17. gumon

Diyan ka lang naman sa screen, laging nakikita

Habang nakikinig sa klase, nakatingin sa’yong mukha

Wala na akong laging inaabangan pa

Dumadating ang dulo na nasa isip ka

Nais ko sanang mapalapit sa’yo

Ilang beses ko na pinipilit gawin ’to

Subukin man ngunit nahihiya ako

Palagi na lang pagbagsak ang inaabot ko

Tama na siguro na ngayon lang naglapit

Dose na ng gabi, hindi alam kung saan kakapit

Kanta na lang ang pusong nagaalumpihit

Todo na ang pagkawalay sa dating mahigpit

Suliranin lang ’to, isang panaginip